N个千万不要去百本工作的理由，希望帮到预备见工的人
不知道大家搵工时，有没有试过去百本interview，通常interview 后很快收到offer，还希望你很快可上班。可是，签合约时，HR不会跟你讲解清楚合约条文，只会催你快签约，入职后便知道这是一个员工炼狱，很多人最后都会贴钱走。
根据前员工的经历，都希望后人不要重滔覆辙，堕入陷阱，因为。。。
1. 公司turnover rate 很高，1年离职一百几十人，但headcount只有三四十个；
2. 公司无制度，无system，经常无人报税，无medical insurance，表面上说有医疗保险，实际上公司没有续到医疗保险。因此，员工看病不能claim钱；
3. 公司用幼儿园管理模式，CEO扁平化管理每一个人，甚至会叫人Mon住你或者叫你不好去太多厕所；
4. 每天OT两小时起没补钱，没补钟；
5. 工作环境好差，周围都是CCTV，公司不信人；
6. 公司没有发展和晋升制度，没有HR，IT，Legal department，有名无实，有些管理层只会讲粗口骂人；
7. 请一日病假但扣两日钱；
8. Bonus拿到之后要签合同应承半年之内不会离开公司，否则要拿翻钱出来；
9. 每个position冇job duties；
10. Training day话有两日，其实只有半日，如果做唔够62日，两日training day拿唔到钱～
11. 公司会随便cancel员工原本已经请好嘎假期；
12. 经常记错粮，又不提供粮单；
13. Petty cash 唔还；
14. 打八号风无车返工要扣粮，不容许员工当天home office和claim的士钱；
15. 公司经常乱扣姑娘钱，经常有姑娘到office投诉或报警；
16. 员工合约在劳工法例上额外加苛刻条件，如果员工到劳工处吿公司，百本刻意拖延和不理会；
17. 经常为难已递信辞职的员工，迫他们即日走而不赔代通知金，或调去另一部门做其他下栏事情(搬搬抬抬，洗楼派杂志，如搬运过程弄伤了，也不会赔工伤)
http://home.top0514.com/attachment/201907/19/54012_1563550593n1LI.jpg
如有苦主，欢迎补充，希望可以帮助其他人不要被骗和无理对待。
百本
百本医护
百本专业护理服务
Bamboos
Winsome
奚晓珠
香港医护学会
百本人才培训学院
香港护理
香港养老
高永文
在百本医护2293.HK 做一年调足四个department, 叫你调就调连memo都唔会出。
走咗成个月petty cash同工作证明都未攞到手。
呢间野一系就唔请HR，请咗都系废嘅。
叫佢写清楚我转过咩department同title难过登天咁
调完department之后个title唔同咗，连卡片都印埋。个HR同你讲呢个title系for你对外见客用，internal个title唔系呢个，我心谂你知唔知自己讲紧乜野。问佢咁我internal 个title系乜野，佢又答唔出。到底一间公司系乱到一个咩地步先可以连你嘅title都clarify唔到。
试过凌晨一点几女CEO send whatsapp 俾我，嗰阵训咗冇应机，佢第二朝问你做咩唔应佢机。嗰阵每朝9:00am一返工就要搵佢report野（而家谂返都觉得痴线），佢话：你训咗今朝起身唔识应我？（喂大佬可唔可以唔好连我朝早难得清静嘅时间都剥削埋）2019年佢都转咗起码3,4个秘书，留意返，而家先四月。
又试过无啦啦叫你交$100会费join香港医护学会membership,听都未听过有会藉join喎，仲同你讲唔系阿猪阿狗都入得。（顶我咪狗囉冇啦啦叫我入会，嗰阵仲未顶唔顺谂住算啦唉啱啱过咗新年当收少你封开工利是）之后走咁紧系同你逐样计，做咗成年都冇听过香港医护学会有membership,上网search过都唔见有。
问返佢地呢个membership 系咩嚟又答到1999,净系话你而家公司都肯退钱俾你啦，你写返封信俾公司啦佢地会退返俾你。（喂你呢个系咪诈骗嚟，我保留追究权利喎）
百本呢d公司真系唔使俾面佢地，愈好人就愈俾佢地恰。有机会再讲多d。
百本
百本医护
百本专业护理服务
Bamboos
Winsome
奚晓珠
香港医护学会
百本人才培训学院
香港护理
香港养老
高永文
各位打工仔事否会有疑惑，为什么老世会以「方便出粮」、调职之类的原因，要求自己与另一间公司签订合约？而用另一间公司与自己签订僱佣合约，会否令自己离职时应有的保障，例如长期服务金等，消失得无影无踪？惟工新闻最近旁听了一则劳资审裁署的案件，正正就是有僱主尝试以用另一间公司的名义去避开员工应有的保障。
事主陈女士，在被解僱时为百本专业护理服务有限公司的市场销售部经理（Marketing Manager），指百本拖欠其长期服务金约八万元。陈女士指，她于2013 年12 月在百本工作，直到2018 年 12月被百本解僱，符合长期服务金的申索要求。而百本一方辩称，百本与事主并非僱佣关系。百本一方指，百本的确与事主于2013至2014是僱佣关系，但后来则是「香港医护学会」与事主建立僱佣关系，与百本无关，所以事主没有追讨长期服务金的法律基础。
然而，这一切都是掩眼法。陈女士称，当时百本以「方便出粮」为由，要求陈女士与「香港医护学会」签订僱佣合约，而之后职位的名衔亦丝毫未变，以「百本」冠名。审裁官亦质疑，若果百本与事主并无僱佣关系，何以所有电邮，甚至连警告信都以「百本」之名发出？
实际上，惟工新闻翻查2017/2018 年度百本的中期报告，发现香港医护学会（The Hong Kong Health Care Federation Limited）与百本人才培训学院、百本集团均为奚晓珠（Hai Hiu Chu）实质控制，并且为「关系方」（Related Parties）。加上事主呈交劳资审裁署的资料，有合理怀疑百本是利用巧立明目开设分公司，以规避资方责任。
百本以为此计可以得逞，实情百本此举似乎徒劳无功。实际上，只要满足下列两个条件，年资即以连续计算：
新旧公司为相联公司
合约订明的工作性质相同，且：
与事主所签订的合约与原有僱佣合约的条件等同 或；
不较原有僱佣合约为差
审裁官指，当初订立法例时，正正考虑到当年有些酒楼老板透过不断「改名」，令僱佣关系在不满五年就中断，以避开长期服务金等责任。审裁官甚至指，若果百本与「香港医护学会」为相联公司，加上事主的职位一直是冠以「百本」之名，「百本一方胜算不高」。
劳工组谭亮英指出，十年前有一宗有关「相联公司」的案件比较瞩目。当时「海洋皇宫」倒闭时，曾经开记者招待会公开交代，并要求工人申请破欠基已金。然而，不久却发现同一老板在另一区开设另一家酒楼，备受争议。谭亮英指出，同一股东、资本明显是「相联公司」，老板以「相联公司」去规避劳工福利时而有之。
事实上，百本一直在医护界当中恶名昭著，除了一方面接医管局一亿外判生意，另一方面委任高永文作独立非执行董事外，亦善于以不同手段跟员工撇清关系。早前惟工新闻就报导过，百本如何以假自僱来规避基层护理人员的劳工保障。老板想缩数总有千百个理由，若各位打工仔遇到老板威吓，毋须自觉理亏，请即向相关工会查询。
百本
百本医护
百本专业护理服务
Bamboos
Winsome
奚晓珠
香港医护学会
百本人才培训学院
香港护理
香港养老
高永文
我都系百本专业护理服务度做过，曾经系苦主之一, 我系依间公司做左3年, 如果要讲真系有好多辛酸/ 令我觉得无奈既野可以分享比大家知:
1. Winsome Boss会亲自打晒去部门每个同事到用威逼既语气Chur数, 唔好以为老板咁做系亲力亲为, 其实佢系会当你系狗咁闹, 闹到你无晒尊严. 当你回应佢既时候, 佢会叫你唔好驳咀.
2. 试过请病假, 老板奚晓珠亲自打黎叫我: 你如果知道自己会病就早D同我请假, 唔好将工作同私人野捞埋一齐, 唔好等咁忙既时候先黎请病假. 连病都唔得.
3. Boss永远觉得所有部门都系废, 唔系做野既, 除左一直帮佢赚到钱既CS部门. 系入面做既感觉就系就算你好勤力好比心机做, 但系佢点都睇唔到, 仲会不停打击你.
4. 我系course marketing既部门, 本身每个course都要开一个whatsapp group等D同学有野可以实时问我地, 同埋可以handle课堂安排. 已经有几10个group. 之后boss仲要开多几个group, group既作用系要黎闹你, 佢认为员工必须要每条message都要睇到, 放工要覆whatsapp 要每日汇报工作进度, 所以我每日放工前都要打好大既一段野出黎, 内容打得少佢会话你无野做, 打得多佢会话你呃字数.
5. 我经常都见到HR interview, 每次最少in 10个人. 有一次请左个人做CS, 公司派左依位先生黎我地部门做marketing, 但系佢过往只有CS经验, 但唔紧要, 咩都可以从头学起. 有个job系要social media promotion, 点知果位先生话: 我从来都唔执相, 唔玩facebook, 之后收工走左, 结果系我要OT做埋佢果份. 姐系依到系会乱分配工作, 佢唔理你识唔识做.
6. 后来我有同事顶唔顺resign, boss见我同我讲叫我做埋佢果份, 佢负责既系场地租务… 要每日不停send fax, email, 同埋cold call.
最经典既系我resign之后发生既事….
7. 如果有睇上文Cindy既经历就会知道我地走系需要留2个月同埋比反bonus出黎, 依2个月系我人生中最漫长既两个月… 首先我地系要on shift 反工, 更表系由boss直接编, 依2个月我被编排每日反夜更 12:45-23:00, 同几乎每个星期六都要反工. 反夜要负责锁晒D门, 熄晒D灯, 仲要做埋姐姐的工作 “倒晒每间房垃圾” . 我唔系最迟收工果个, 因为仲有CS系到, 佢地都on shift. 有时都会谂点解自己要做到咁样…
8. 之前反工积落D补假, 佢话要佢批先可以放, 但系每次申请佢都唔批, 话有野要跟唔准放. 之前明明系星期六或者有活动要你反, 会补反比你. 但系就变左强制唔比你放.
9. 成日话我地D野做唔到要减我地人工, 迟到要减我地人工 (所讲既系佢口头规定既时间 , 唔系合约上既反工时间), 用减人工威逼我地做野, 劳工处都话僱主系唔可以无故话减人工.
10. 有次boss系group到同一位同事讲上课时间表要用新方法做, 方便计粮, 但唔关我事, 点知我做完timetable之后佢话我当佢之前讲既野无到, 之后闹我, 要我做反如果唔系无得收工, 但系佢讲果个方法我完全唔知咩黎, 之后佢叫左我另一个同事入去, 叫佢做, 但系话要佢做完我先准走. 用依种方法逼我同我同事.
11. 我离职后 被分配到Reception, 但系我个位仲系房, D私人野都仲系枱同抽屉. 之后有一日我反工前同事whatsapp我叫我唔好入房 唔想我难堪….因为boss同晒所有人讲改左新pw, 唔比我入去房, 但系大佬, 我D野全部系房, 计算机都有我既文件. 点知我同事话佢已经搵人将我抽屉枱面既野全部用胶袋pack好晒, 系完全无通知我既情况下…
12. 每日过左收工时间唔比我走, 每日都会谂新招玩我, 系依种环境之下, 真系会得抑郁病. 有次佢又唔比我收工, 系咁同我嘈话唔比reference letter我, 唔会接受我提早走. 我打去劳工处, 劳工处话唔洗理佢, 公司唔通话叫个员工3日做枝火箭出黎, 员工点会做到, 唔通做唔到又唔比收工. 叫我唔洗理佢, 即刻走啦! 果次我深深觉得劳工处好有用, 因为有好多打工仔真系好多法例既野唔知, 又唔知点搵答案, 因而比僱主欺压.
13. 最后Reference Letter唔比都算, 但系连在职证明依D基本文件HR都懒得比我, 同我讲话: 系咁嫁喇, 系无嫁喇~
希望以上既资料可以比大家作为参考, 对我黎讲就算董事点变动都好, 如果boss继续用依种方法develop公司, 一样系会有人受害. 但系我觉得boss的情况是一种病态/ 心理问题, 因为我都知道公司有时系会采取D非常手法, 但系此boss既心理真系有问题… 如果你系入面做过, 你会明白我讲咩…
P.S. 如果你系想磨练自己成为工作上既 铁人/ 被虐狂 的话, 你系可以试下应征, 但系其实依个世界仲有好多选择, 无需要比一间垃圾百本公司/ 一个stupid winsome boss 磨灭你对工作既热情.
Thank you for your time to read my experience
百本
百本医护
百本专业护理服务
Bamboos
Winsome
奚晓珠
香港医护学会
百本人才培训学院
香港护理
香港养老
高永文
关于百本，大家可以睇下惟工新闻之前就住一单护理员与百本劳资纠纷既报道。可见得陷阱处处，而且大家可以了解一下百本与假自僱的关系。
--------------------------------------------------------------------------------
「护老企业百本集团近年多次乱告曾转介工作的护理员与护老院，以对方违约绕过百本继续合作关系为由，每次索偿3万元介绍费，过去7年多达190宗。《苹果》接触了10个遭索偿的个案，发现事主签约前对苛刻条款全不知情。职工盟批评百本欺负护理员不熟悉法律，百本负责人关志康则拒绝回应。」
──＜百本护老 狂告护理员兼拖粮 7年190宗 事主：虾我冇读过书＞
《苹果日报》2013年08月11日报导
这是一宗2013年关于百本中介公司控告属下护理员的案件，但事至2016年，依然有不少护理员被百本以『私下为客人提供服务』为由，跟据入职时签订的『同意书』控告护理员毁约，申索三万至五万元不等。工会一直收到不少百本护理员求助，有些只是经过该院舍也同样被指毁约。而最近收到一宗百本护理员的求助，原先追讨欠薪，期后反被申索五万元的违约金，最意想不到的，最终竟然变成僱佣关系的争议。
【全文： http://wknews.org/node/1073 】
#劳资纠纷 #假自僱 #护理人员 #行过都照告 #法庭案例
百本
百本医护
百本专业护理服务
Bamboos
Winsome
奚晓珠
香港医护学会
百本人才培训学院
香港护理
香港养老
高永文
（等同卖身契的合约）
百本与其他中介公司最大不同和最大争议的，就是当中加入了一条极不合理的限制性条款，内容是登记的护理员，在工作完成后，如未得到公司同意，不得向曾经由百本介绍的客户或单位工作，否则会被百本追讨$30000至$50000的所谓赔偿。这种条文，就如卖身契一样，假如你过去曾经经百本到过香港所有资助院舍工你，那在接下来如未得到同意，你也不能够到全港所有资助机构工作，而不是单单限制在个别院舍，因此签署了有关文件后，你就等于卖身。
所谓赔偿，百本从来没有任何解释所谓损失的介绍费和佣金是如何计算，只是当有人"举报"有护理员私下受到曾服务院舍的聘用，百本就会发信要求护理员赔偿，否则会在小额钱债处追讨。有不少护理员得悉将会被百本以法律途径，都会慌忙付款了事，但这对于基层劳动者而言，可说是开天杀价的欺压。
但是，其实这些条文在法律上属于限制性条款，而限制性条款是否必需可以执行，也需要看很多因素，例如是签署者的职位是否需要有此限制，内容是否合理保障双方利益？还是明显地威吓另一方不能毁约？在法律上，假如一项赔偿的条文，其赔偿金额的订明并不是真诚地预计，又或者用意是威吓对方不能毁约的话，法庭会认为此项属于惩罚性条款，法庭并不会执行此条文。
因此，百本假如追讨护理员赔偿，那公司有一个举证责任，证明护理员入职旧客的行为会令公司损失$50000，否则，那只不过是一项惩罚性条文。但公司从来都未能解释有关申索的理据，而法庭在处理惩罚性条文的案件时，已表明"已在合约列明"并不是申索的理据。
有很多被百本控告的护理员，都担心将来承受法律后果而付款了事，但其实一切都有理据去推番合约内的不安等条款。因此，我们希望各位朋友，假如身边有朋友遇到相近的事，可以尽快联络我们，让我们团结力量，对抗不公！
百本
百本医护
百本专业护理服务
Bamboos
Winsome
奚晓珠
香港医护学会
百本人才培训学院
香港护理
香港养老
高永文
页:
[1]